Webseite Ivan - Webseite Ivan
lang ist's her..
..sit mitm letschte bitrag! sit dene hani vüu sache erläbt, nöi lüt kenneglehrt..! ig bi uf waiheke island gsi, go golf spiele, gones rugby game luege usw. es wird eim sichr nie längwilig do z'auckland. das wucheändi gangi jetz richtig norde ufe, richtig bay of island. es ish drum labour weekend u so heimer am mändi ebe au no frei. öppe aui göi das wucheänd irgendwo häre furt. mir si 9 persone u hei 3 vans gmietet, womer de ebe au drine schlofe...mau luege:)
es het au scho sit lengerer zit keni nöie föddeli gäh. das mitem internet isch do ebe so zimlech speziell. ohni facebook chame d'föteli do go luege: Föteli vo Waiheke Island
take care & cheers!
Karekare Beach
geschtr simer mit dr schueu a karekare beach gange. isch e strand ar weschtküste ir nöchi vo piha. ha zwar scho dänkt, dass mer gar nüme dört achöme-_- üse busdrive isch mind. 80gi gsi, het abunzue chli problem mit dr gangschautig gha u au susht ischer ni grad dr schnöuscht gsi. aabr...mir heis de doch no gschafft. zerscht simer no e wasserfau go aluege..isch mega schön gsi. fasch chli wie im urwaud:) dene simer de ääändlech zum strand füre. mir hei jedoch barfuess müesse fürelaufe, wüume zerscht no dür sone chline "fluss" het müesse watschle. s'spezielle a däm strand isch, dasser us schwarzem sand besteit. me gsehts leidr uf de föddeli ni so.
kia ora
hi all!
bi jetzt scho sit guet eire wuche z'auckland u es gfaut mer würk supr do! hanes liebs gastmami bzw. gastgrosi u bis geschter hani au no e roommate vo japan gha. leider het si meishtens nit vrstange, was mis hostmami odr ig gseit hei u so ischs au ni so würk eifach gsi, mit ihre z'kommuniziere:) ig wohne imne "vorort" vo auckland, z'st. heliers. ish meega schön do, wüus grad am meer a isch.
|
|
|
ig wohne abr öppe 10 min. z'fuess wäg vom strand. ig gseh jedoch vo mim zimmer us grad diräkt ufs meer.
ig gange jede tag mitem bus it schueu. ha öppe 20 bis 30 minute zum fahre. s'busfahre isch ni würk glich wie ir schwiz. praktisch jede het do sone buscharte (busabo) u de muessme immr bim busfahrer istige u die charte so ine maschine ine ha usw. ish zimlech müehsam ehrlech gseit u wäge däm si d'büs au ni würk pünktlech. mi bus het jede morge öppe 5 bis 10 minute verspötig.
Zuletzt aktualisiert am Dienstag, den 21. September 2010 um 09:00 Uhr